Քաղաքացիություն Ուկրաինայում կռվելու դիմաց․ Միգրանտների շուրջկալ Ռուսաստանում
- 14:59 15.12.2023
Ռուսաստանում աննախադեպ իրադարձություն է տեղի ունեցել. առաջին անգամ դատարանը Կենտրոնական Ասիայից երկու միգրանտի զրկել է երկրի քաղաքացիությունից՝ զինվորական հաշվառումից խուսափելու համար, հայտնում է Dialog.UA-ն՝ հղում անելով ՏԱՍՍ-ին։
Հաղորդվում է, որ դա տեղի է ունեցել Չելյաբինսկում։ Երկու միգրանտների քաղաքացիությունից զրկելը նախաձեռնել է տեղի ՆԳՆ-ն, որը նախկինում «Ապօրինի միգրանտ» ծածկանունով ռեյդեր էր իրականացրել։ Դրանցից մեկի ժամանակ բռնել են երկու տղամարդու՝ 21 և 24 տարեկան, ովքեր Ռուսաստան են մեկնել աշխատելու համար և ստացել ՌԴ քաղաքացիություն։ ՆԳՆ-ից նրանց հրահանգել են հաշվառվել զինծառայության համար, սակայն եղբայրները հրաժարվել են։ Այժմ նրանց վտարում է սպառնում։
Նշենք, որ ՌԴ նոր օրենքի համաձայն, միգրանտները կարող են արագացված կարգով ստանալ ՌԴ քաղաքացիություն զինծառայության անցնելու դիմաց։