Վագիֆ Խաչատրյանի ընտանիքը սպասում է նրա վերադարձին
- 16:47 16.12.2023
«Ես հույս ունեի, որ ադրբեջանական գերությունից վերադարձած հայերն ինձ ավելի մանրամասն կպատմեն հորս մասին։ Բայց մինչ օրս նրանցից ոչ մեկի հետ չենք կարողացել հանդիպել»,- ասաց Վագիֆ Խաչատրյանի դուստրը՝ Ծովինար Խաչատրյանը։
Լեռնային Ղարաբաղի 68-ամյա բնակիչ Վագիֆ Խաչատրյանին հուլիսի 29-ին ադրբեջանցի սահմանապահները առևանգել են Լաչինի միջանցքում և տեղափոխել Բաքու՝ Կարմիր խաչի միջազգային կոմիտեի (ԿԽՄԿ) ուղեկցությամբ Ղարաբաղից Հայաստան բուժման մեկնելիս։ Ադրբեջանի գլխավոր դատախազությունը նրան մեղադրանք է առաջադրել, իսկ Բաքվի դատարանը դատապարտել է 15 տարվա ազատազրկման։
Կինը նշել է, որ ամեն ամիս Կարմիր Խաչի միջնորդությամբ հաջողվում է հեռախոսով կապ հաստատել հոր հետ և զրուցել նրա հետ։
«Մենք իսկապես հույս ունեինք, որ մեր հայրը կլինի գերությունից վերադարձողների թվում։ Բայց դա տեղի չունեցավ։ Մեր ընտանիքը չի կորցնում հույսը, որ մի օր կհանդիպենք մեր հորը։ Չէ՞ որ նա չի արել այն, ինչում իրեն մեղադրում է Բաքուն։ Նրա վերադարձին սպասում են նրա բոլոր հարազատները»։
Ալվարդ Գրիգորյան