Բանահավաքչական գործունեություն՝ հավաքագրել արցախյան երգ և երաժշտությունը

Մանուշ Դանիելյանը ծնվել, ապրել է Արցախում, դասավանդում էր Ստեփանակերտի Սայաթ- Նովայի անվան երաժշտական ուսումնարանում և Կոմիտասի անվան երաժշտական դպրոցում:

Դեռ շրջափակման ժամանակ միտք էր ծագել, որ պետք է հավաքել արցախյան երգերը, երաժշտությունը, այն պահպանելու համար: Սակայն հայտնի պատճառով մտահաղացումը կյանքի կոչել չստացվեց: Մյուս հայրենակիցների հետ նա իր ընտանիքի հետ սեպտեմբերին հաստատվեց ՀՀ-ում:

Այժմ սկսել է բանահավաքչական գործունեություն՝ հավաքագրելով արցախյան երգ և երաժշտություն, որը չափազանց կարևոր է արցախյան մշակույթի, բարբառի և բանահյուսության պահպանման համար: Առհասարակ արցախյան մշակույթը, բանահյուսություն, բարբառը իր բոլոր ճյուղերը և դրանց պահպանությունը կենսական կարևորություն ունեն:

Բոլորս պետք է լծվենք այս գործին մեր տատիկ, պապիկներից, հարևաներից, բարեկամներից հավաքելով և Մանուշին փոխանցելով արցախյան երգ և երաժշտությունները:

Քրիստինա Ալավերդյան