Արցախի Հանրապետության քաղաքական և քաղաքացիական ուժերի՝ միջազգային հանրությանն ուղղված կոչին արդեն միացել են 200-ից ավելի կազմակերպություններ
- 14:50 18.12.2023
2023 թվականի սեպտեմբերին Արցախում տեղի ունեցած ողբերգական իրադարձություններից հետո ընդունված առաջին սկզբունքային ու հիմնարար փաստաթուղթը ստացել է արցախցիների լայն աջակցությունը՝ նրա տակ իրենց ստորագրություններն են դրել Արցախի բոլոր վարչական շրջանների տասնյակ գյուղական համայնքների ընտրված ղեկավարներ և հանրապետության բոլոր քաղաքների ընտրված քաղաքապետերը, այդ թվում՝ Արցախի մայրաքաղաք Ստեփանակերտի քաղաքապետը։
Քաղաքացիական նախաձեռնությանը միացել են 8 քաղաքական կուսակցություններ, այդ թվում՝ Արցախի խորհրդարանում մեծությամբ երկրորդ խմբակցությունն ունեցող կուսակցությունը, 16 լրատվամիջոց, այդ թվում՝ «Ազատ Արցախ» հանրապետական թերթը և «Արցախի հանրային հեռուստատեսությունը», մի քանի տասնյակ հասարակական կազմակերպություններ, այդ թվում՝ հազարավոր անդամներ ունեցող այնպիսի կազմակերպություններ, ինչպիսին են «Արցախի Հանրապետության արհմիությունների ֆեդերացիան» և «Պահեստազորի սպաների միությունը»։
Նախաձեռնությունը կունենա իր տրամաբանական զարգացումը։
Արցախի Հանրապետության քաղաքական և քաղաքացիական ուժերի՝ միջազգային հանրությանն ուղղված կոչի համար ստորագրահավաքը շարունակվում է առցանց. https://docs.google.com/document/d/1us7KJA9cTCxatECkQrB8IovbC3bF1XM7/edit