Նախարարը՝ արցախցիների կենսաթոշակների մասին
- 14:58 18.12.2023
Լեռնային Ղարաբաղից բռնի տեղահանված անձինք կենսաթոշակ կամ այլ աջակցություն ստանալու համար Հայաստանի քաղաքացիություն ստանալու կարիք չունեն։ Այս մասին դեկտեմբերի 18-ին լրագրողների հետ զրույցում ասաց ՀՀ աշխատանքի և սոցիալական հարցերի նախարար Նարեկ Մկրտչյանը։
Նա հավելեց, որ բոլոր նրանք, ովքեր Լեռնային Ղարաբաղում կենսաթոշակ ստանալու իրավունք են ունեցել, կենսաթոշակ կստանան նաեւ Հայաստանում։ «Դեկտեմբերի 11-ից սկսել ենք հայտերի ընդունումը։ Դեկտեմբերից կսկսենք կենսաթոշակների վճարումը, այդ թվում՝ 2023 թվականի հոկտեմբեր, նոյեմբեր և դեկտեմբեր ամիսների համար»,- նշել է Մկրտչյանը։
Նրա խոսքով, Լեռնային Ղարաբաղից բռնի տեղահանված քաղաքացիների սոցիալական խնդիրները լուծելու համար ակտիվ քայլեր են ձեռնարկում նաև միջազգային գործընկերները, ինչպես ՀՀ կառավարությունը։