«Այդ պարտքերը ներվելո՞ւ են Արցախի քաղաքացիներին, թե՞ բանկերը գնալու են նրանց հետեւից եւ փորձեն ստանալ ինչ-որ ձեւով»
- 13:25 22.12.2023
«Քաղաքացիական պայմանագիր» խմբակցության պատգամավոր Նարեկ Զեյնալյանը Ազգային ժողովի արտահերթ նիստում հարցրեց ֆինանսների նախարար Վահե Հովհաննիսյանին՝ բանկերը ներելո՞ւ են Արցախի քաղաքացիների պարտավորությունները։
«Այդ պարտքերը ներվելո՞ւ են Արցախի քաղաքացիներին, թե՞ բանկերը գնալու են Արցախից ժամանած քաղաքացիների հետեւից եւ փորձեն ստանալ ինչ-որ ձեւով»,- հարցրեց պատգամավորը։
«Եթե իրավունքն անցնում է Հայաստանի Հանրապետությանը, այդ մենք կորոշենք՝ կներվի, թե չի ներվի»,- ասաց ֆինանսների նախարարը։
Նա նշեց, որ 315 մլրդ դրամի իրավունքն անցնում է Հայաստանի Հանրապետությանը։
«Այդտեղ կան նաեւ որոշակի չափով ֆիզիկական եւ իրավաբանական անձանց տրված վարկեր, բայց հիմնական գերակշիռ մասը Լեռնային Ղարաբաղի կառավարության եւ իր հիմնադրամների կողմից թողարկված պարտատոմսերն են»,- նշեց նախարարը։