Սերժ Սարգսյան հուսով է, որ Սամվել Շահրամանյանը կգտնի լուծումը եւ իրեն չի խայտառակի բոլոր ժամանակներում
- 14:26 28.12.2023
ՀՀ երրորդ նախագահ Սերժ Սարգսյանն այսօր լրագրողների հետ ճեպազրույցում ասաց, որ հանդիպումներ ունեցել է Արցախի նախագահ Սամվել Շահրամանյանի հետ։
Ինչ վերաբերում է Շահրամանյանի նախկին խորհրդականի հայտարարությանը, որ Արցախը լուծարելու մասին հրամանագիր չկա, հունվարի 1-ից Արցախը չի լուծարվելու, Սերժ Սարգսյանն ասաց․ «Նա հղում է կատարել բոլորովին այլ՝ հոկտեմբերին ստորագրված փաստաթղթի վրա, որը որեւէ կապ չուներ նախորդ հրամանագրի հետ»։
«Ես կարծում եմ, որ բոլոր պարագաներում Սամվել Շահրամանյանը կգտնի այն լուծումը, որը օգուտ կլինի մեր ժողովրդին, իրեն չի խայտառակի բոլոր ժամանակներում եւ կբացառի այն հանգամանքը, որ մեկ մարդ, նույնիսկ եթե նա հանրապետության նախագահ է, կարող է լուծարել այդ հանրապետությունը։ Չի կարող այդպիսի բան լինել, այդպիսի նախադեպեր չեն եղել եւ չեն էլ կարող լինել»,- հավելեց Սերժ Սարգսյանը։