Ռուսական բանակը հրետակոծել է Խարկովի այն շենքը, որտեղ գտնվում է ՀՀ հյուպատոսությունը
- 19:58 02.01.2024
Ուկրաինայի փրկարար ծառայության վերջին տվյալների համաձայն՝ Կիևի և Խարկովի վրա հրթիռային հարձակման հետևանքով զոհերի թիվը հասել է հինգի, վիրավորներինը՝ 127-ի։
Արտակարգ իրավիճակների պետական ծառայությունը հայտնում է, որ Կիևի Պոդոլսկի թաղամասում իր աշխատակիցները շարունակում են մարել երկու հրդեհ, ապամոնտաժում են նաև Խարկովի բնակելի շենքի վթարային կառույցները։
Վնասվել է նաև այն շենքը, որտեղ գտնվում է Խարկովում Հայաստանի հյուպատոսությունը։
Ռուսական արկերից մեկն ընկել է Վորոնեժի շրջանում, իսկ Բելգորոդում մի քանի անգամ օդային ռմբակոծության մասին ահազանգ է հայտարարվել։