Արցախի գյուղերն ու քաղաքները. Կոճողոտ
- 09:12 08.01.2024
Արցախի Մարտակերտի շրջանի Կոճողոտ գյուղի բնակիչները զուսպ են և իմաստուն, գրագետ և չգիտես ինչու՝ բոլորն ունեին հռետորական ունակություններ. բոլորը, ում հետ զրուցում ես, պերճախոսեն և համոզիչ: Ասում են՝ այն պատճառով, որ գյուղը գտնվում է գրեթե 1100 մետր բարձրության վրա, որտեղից համայնապատկեր է բացվում դեպի ամբողջ աշխարհը, և թվում է, թե ձեռքով կարող ես հասնել ամպերին։
Առաջին անգամ այնտեղ եմ եղել շրջափակման ամենադժվար օրերին։ Բնակիչները չէին բացառել, որ հաջորդ ձմռանը եւս ադրբեջանական կողմը շրջափակման մեջ կպահի Արցախը։ Նրանք կարծիք հայտնեցին, որ քաղաքը մատակարարելը գյուղացիների վրա է ընկնելու, եւ սուղ պաշարները պետք է հնարավորինս երկար «ձգել»։
Իսկ մեր աչքի առաջ՝ չորացող Սարսանգն է. ջրամբարը գրեթե ծանծաղ է դարձել, քանի որ Հայաստանից էլեկտրաէներգիայի ներկրումը ադրբեջանցիները «կտրեցին», եւ միայն Սարսանգի հիդրոէլեկտրակայանը օրը մի քանի ժամ էլեկտրաէներգիա էր ապահովում ողջ հանրապետությանը շրջափակման ողջ ընթացքում:
Բայց սեպտեմբերին պատերազմ ու տեղահանություն եղավ։ Կոճողոտի բնակիչները ցրված են ողջ Հայաստանով մեկ։
Գտնում ես Կոճողոտ գյուղը Վիքիպեդիայի հայերեն տարբերակում և զարմանում փոքրիկ գյուղի մեծ պատմության վրա։ Տասնյակ գործիչներ բոլոր ոլորտներից: Հարյուրավոր հերոսներ, ովքեր զոհվել են տարբեր պատերազմներում: Հայկական պատմական և մշակույթային դարավոր հուշարձաններ։
Ալվարդ Գրիգորյան
