Քաշաթաղցիները կհավաքվեն կառավարության շենքի առաջ
- 12:28 22.01.2024
Վերադարձ դեպի Քաշաթաղ կազմակերպությունը իր էջում հայտարարություն է տարածել․
Հաշվի առնելով մեր շրջանի բնակիչների բազմաթիվ հարցերի «բաց մնալը» և պատկան մարմինների անհաղորդակցությունը այդ խնդիրների լուծման ճանապարհային քարտեզի մասին,
շրջանի նախկին համայնքապետերի, «Վերադարձ Դեպի Քաշաթաղ» ՀԿ-ի և մի խումբ քաշաթաղցիների պահանջով և նախաձեռնությամբ ս. թ. հունվարի 25-ին, ժամը 12-ին կազմակերպվում է հավաք ՀՀ Կառավարության շենքի մոտ:
Օրակարգում.
1. 2020թ-ից 2023 թ-ը տեղահանվածներին հավասար արտոնություների տրամադրում, ՀՀ -ից վերաբնակեցվածներին նույնպես
2. ԱՀ 2022 թ-ի մայիսի 10-ի 50 – Ն որոշման շահառուների հարցը /զոհվածների ընտանիքների բնակապահովության խնդիր/:
3. 2020թ-ի պատերազմի հետևանքով բնակչության կորցրած գույքի փոխհատուցման ծրագրի //ԱՀ ապրիլի 19– 336Ա որոշում// շարունակական լինելու հարցը։
4. ՀՀ 169-Լ որոշման խնդիրները:
5. Մինչև 2020 թ. վարկառուների և վատ վարկային պատմություն ունեցողների տոկոսների և տույժ-տուգանքների զրոյացման կամ վարկային պատմության մաքրելու հարցը:
6. Կենսաթոշակների, նպաստների հարցի կարգավորում:
#Այլ_խնդիրների մասին, որոնք ներառված չեն ցանկում կարող եք արձագանքել տեղում՝ հավաքի ժամանակ: