Հայաստանի 10 խոշորագույն հարկ վճարողները
- 15:52 26.01.2024
1000 խոշոր հարկ վճարողները 2023 թ. հունվար–դեկտեմբեր ամիսների ընթացքում պետական բյուջե ընդհանուր առմամբ վճարել են ավելի քան 1 տրլն 710 մլրդ 577 մլն դրամ: Տեղեկությունը հայտնում է ՀՀ պետական եկամուտների կոմիտեն։
«Հարկային մարմին կատարված վճարումների գումարը կազմել է ավելի քան 1 տրլն 308 մլրդ 983 մլն դրամ, իսկ մաքսային մարմին կատարված վճարումների գումարը՝ շուրջ 401 մլրդ 594 մլն դրամ»,– նշված է ՊԵԿ հաղորդագրության մեջ։
Հայաստանի խոշոր հարկատուների 2023 թ. ցանկը, ինչպես 2023 թ. 3–րդ եռամսյակում` հուլիս–սեպտեմբեր, գլխավորում է Զանգեզուրի պղնձամոլիբդենային կոմբինատը, որը ամբողջ 2023 թ. ընթացքում վճարել է 70.9 մլրդ դրամի հարկ։
Երկրորդ խոշոր հարկատուն ծխախոտի արտադրությամբ զբաղվող «Գրանդ տոբակո» ընկերությունն է, որը տարվա ընթացքում վճարել է 55.3 մլրդ դրամի հարկ: 4–րդ հորիզոնականում «Գազպրոմ Արմենիա» ՓԲԸ–ն է, որն էլ վճարել է 48.5 մլրդ դրամի հարկ։
Խոշոր հարկատուների տասնյակում առաջին անգամ ընդգրկվել է «Վայլդբերիզը»` 6–րդ հորիզոնականում։ Ընկերությունը 2023 թ. հունվար–դեկտեմբերին ՀՀ պետական բյուջե է վճարել մոտ 26.5 մլրդ դրամի հարկ, որը 35 անգամ գերազանցում է նախորդ տարվա ցուցանիշը։
Խոշոր հարկատուների առաջին տասնյակի 4–րդ հորիզոնականում «Մոբայլ սենթր արթն» է` 46.1 մլրդ դրամ հարկային մուտքով, 5–րդում` «Փրիթի Ուեյն» է(«Վեստա» խանութ) 33.3 մլրդ դրամ հարկային մուտքով, «Ամերիաբանկը» 25,7 մլրդ դրամով և «Արդշինբանկը» 24,7 մլրդ դրամով 7-րդ և 8-րդ հորիզոնականում են, «Սի Փի Էս էներջի գրուպը» 9–րդ հորիզոնականում է` 23.7 մլրդ դրամով, «Ջեյ Թի Այ Արմենիան» 10–րդ հորիզոնականում է 22.7 մլրդ դրամով։