Մարությանն ու Սիմոնյանը օգնություն են խնդրում. սպիտակները սկսում են ու խժռում միմյանց
- 12:39 07.02.2024
Մինչ Ալիևը քվեարկում էր Ստեփանակերտում, Փաշինյանը “պահում էր” Երևանը. Քաջարի մարտիկներ Փաշինյանին և Ավինյանին հաջողվեց պաշտպանել Երևանը Դոգից ու Փաշինյանի նախկին զինակից Հայկ Մարությանից, ով 5 տարի առաջ բոլորին բաժանեց սևի ու սպիտակի։ Հիմա մնացել են միայն «սպիտակները», և նրանք արդեն ուտում են միմյանց։
Հեղափոխությունը խժռում է իր զավակներին՝ թողնելով բռնապետին ու խղճուկ խաժամուժին: Մարությանը կշտամբեց Ավինյանին՝ մի երկու տարի առաջ գոռում էիք՝ «Արցախը Հայաստան է, վերջակետ», իսկ հիմա վախենում եք անգամ «Արցախ» բառն ասել։ Ավինյանը նուրբ լռություն պահպանեց ու չօգնեց իր նախկին դաշնակցին։
Երեկ օգնություն է խնդրել նաեւ Ալեն Սիմոնյանը՝ զգուշացնելով, որ երկիրը դուրս են բերում Ռուսաստանի տակից՝ այլ պետության տիրապետության տակ տեղափոխելու համար։
«Մենք չենք հասկացել, թե ինչ է պետականությունը, նույնիսկ հիմա էլ մենք պետք է մտածենք՝ Ռուսաստանի պրոքսի՞ն ենք, թե՞ ավելի լավ է՝ դառնանք օտարերկրյա այլ պետության պրոքսի, որը մեզ ավելի լավ կպաշտպանի։
Մենք չենք մտածել՝ լավ, բա մենք ո՞վ եք։ Մեզ միշտ վախեցրել են, ասել են՝ այ, եթե մեզանից հեռու գնաք, կտանք գլխներիդ, իսկ դուք այս տարածաշրջանում պետք է լինեք մեր մահակը: Ձեր գոյության իմաստը մեր մահակը լինելն է»,- ասաց Ալեն Սիմոնյանը։
Նա նաև հարցրեց ընդդիմությանը, թե որն է նրանց օրակարգը, որ փողոցից վերադարձել են ԱԺ դահլիճ։ “Դուք ձեր անգործությամբ հիմա մեղավոր եք, եթե մենք սխալներ ենք գործում»,- իր խոսքն ամփոփեց ԱԺ նախագահը: