Կարելի է, օրինակ, հրաժարվել պարտադիր զինծառայությունից

«Չորրորդ Հանրապետություն ասելով՝ ներքին իմաստով նկատի ունեմ ընդունված նոր Սահմանադրություն, ոչ թե Սահմանադրության փոփոխություն։ Սահմանադրություն, որն ընդունվել է ժողովրդի կողմից, եւ մարդիկ ընդունում են, որ մեծամասնությունը կողմ է քվեարկել»,- ԱԺ-կառավարություն հարցուպատասխանի ժամանակ ասաց Նիկոլ Փաշինյանը։ Նա ասաց, որ կառավարությունը եւ կառավարող քաղաքական ուժը չունեն սեղանին դնելու փաթեթ, որ ասեն՝ մենք սա ենք առաջարկում։

«Դա վատ չէ, դա ընդհակառակը լավ է, որովհետեւ նախ հանրության մեջ պետք է տեղի ունենան քննարկում, թե ինչի մասին է, ինչի համար է։ Դրա հետ կապված շատ մեծ քննարկումներ ու շփոթություն կա։ Բայց ես կարեւոր եմ համարում, որ նախ խոսակցություն տեղի ունենա, ըմբռնում ձեւավորվի, որ դա կարեւոր է, հետո անցնել բովանդակությանը»,- ասաց նա։

Փաշինյանի այս հայտարարությունը վկայում է, որ հասարակությանը դեռ վախենում են միանգամից դեմ տալ այն ամենը, ինչ նախատեսվում է նոր Սահմանադրության մեջ։ Դեռ չեն հստակեցրել քաղաքական տեխնոլոգիաները։ Օրինակ՝ Պուտինը իր քաղաքական “հավերժությունը” Սահմանադրության մեջ ամրագրել է թոշակների եւ այլ սոցվճարումների բարձրացման հարցերի հետ մեկ փաթեթում։ Ո՞վ դեմ կքեարկեր։ 

Նման մի բան էլ լինելու է Հայաստանում։ Ամենակարճ ճանապարհը՝ պարտադիր զինակոչից հրաժարվելն է։ Դրանով կարելի է եւ հազարավոր քվեներ ապահովել, եւ դենացիֆիկացիայի եւ դեմիլիտարիզացիայի պահանջը կատարել։