Նեթանյահուն մերժել է ՀԱՄԱՍ-ի զինադադարի առաջարկը
- 09:47 08.02.2024
Իսրայելի վարչապետ Բենիամին Նեթանյահուն մերժել է ՀԱՄԱՍ-ի առաջարկած զինադադարը Գազայի հատվածում՝ հայտարարելով, որ Իսրայելի ամբողջական հաղթանակը զինյալների նկատմամբ հնարավոր է մի քանի ամիսների ընթացքում։
«Մենք ամբողջական հաղթանակի ճանապարհին ենք։ […] Սա մի քանի տարիների կամ տասնամյակների խնդիր չէ, դա ամիսների հարց է»,- ասուլիսում ասաց նա։
Նա նաև հրամայել է հարձակում սկսել Գազայի հարավում գտնվող Ռաֆահ քաղաքի վրա, որտեղ հարյուր հազարավոր պաղեստինցիներ, որոնք ստիպված են եղել լքել իրենց տները պատերազմական գոտում, ապաստան են գտել:
Նեթանյահուի հայտարարությունը հնչել է ԱՄՆ պետքարտուղար Անտոնի Բլինկենի այցի օրը, ով հինգերորդ անգամ է շրջում տարածաշրջան ՀԱՄԱՍ-ի հետ Իսրայելի պատերազմի ժամանակ և այն բանից հետո, երբ Համասը մի շարք պահանջներ ներկայացրեց՝ ի պատասխան քննարկված հրադադարի առաջարկի։
ՀԱՄԱՍ-ի վերջին առաջարկը պատասխան էր Կատարի և Եգիպտոսի միջնորդությամբ հաստատված հրադադարի պայմաններին, որոնց աջակցում էին Իսրայելը և Միացյալ Նահանգները:
Զինյալները, ըստ էության, պահանջում էին ռազմական գործողությունների դադարեցում 135 օրով՝ բաժանված երեք փուլերի։
Գործարքը, ըստ ՀԱՄԱՍ-ի, կներառի նաև սննդի և այլ մարդասիրական օգնության ավելացում Գազային:
Մանրամասները՝ BBC-ում