Պուտինն Ուկրաինային օրինակ բերեց Ղարաբաղը. դո՞ւք չէիք ուրախանում Ալիևի ուժային “կարգավորումից”, դե ստացեք նույնը

Վլադիմիր Պուտինը, խոսելով իր սկսած ուկրաինական պատերազմի մասին, սիրում է անդրադառնալ պատմությանը, մասնավորապես, Պետրոս I-ի ժամանակաշրջանին: Արևմտյան քաղաքական գործիչները բազմիցս նշել են, որ Պուտինը ռուս-ուկրաինական պատերազմի համատեքստում ցանկանում է իրեն պահել անցյալի քաղաքական գործչի պես, որը պատրաստ է ուժով վերգծել սահմանները. այսպես էին լուծվում արտաքին քաղաքական հակամարտությունները Պետրոսյան դարաշրջանում: Այս մասին գրում է BBC-ն։

Արցախյան հակամարտության ուժային «լուծումը», որն Արևմուտքում շատերի կողմից ճանաչվում է որպես «Ադրբեջանի կողմից իր տարածքային ամբողջականության վերականգնում», Պուտինին համոզում է «պետրոսյան» մեթոդների ճիշտության մեջ։ Ուկրաինայի պատերազմը չէր լինի, եթե «քաղաքակիրթ աշխարհը» «չճանաչեր» Մոսկվայի և Անկարայի իրավունքը՝ մասնատել Հարավային Կովկասը և 2020 թվականին ուժով լուծել Արցախի խնդիրը։ Այժմ՝ 2023-ի Արցախի ագրեսիայից և արտաքսումից հետո, Պուտինն իրեն իրավասու է համարում խոսել Ուկրաինայի նկատմամբ նույն ռազմավարությունը կիրառելու մասին։

Ուկրաինացի քաղաքական գործիչները և «հակապուտինյան» վերլուծաբանները, ովքեր ուրախանում են Ալիևի «հաղթանակներով», կա՛մ ցանկանում են Ուկրաինայի մասնատում, կա՛մ կատարյալ ապուշներ են։

«Հիտլերը աղաչում էր նրանց (Լեհաստանին՝ Գդանսկ քաղաքը տալ նացիստական ​​Գերմանիային – խմբ.): Լեհերը մերժեցին։ Չէ՞ որ լեհերն են ստիպել։ Նրանք չափն անցան և Հիտլերին ստիպեցին իրենց հետ սկսել Երկրորդ համաշխարհային պատերազմը: Ինչո՞ւ պատերազմը սկսվեց 1939 թվականի սեպտեմբերի 1-ին Լեհաստանից։ Որովհետեւ Լեհաստանն անհասկացող էր: Հիտլերն այլընտրանք չուներ Լեհաստանից սկսելու իր ծրագրերն իրականացնելու հարցում»,- ասել է Ռուսաստանի Դաշնության բռնապետը։

Նույն կերպ Պուտինը արդարացրել է 2020 թվականի ագրեսիան Արցախում և ռուսական օկուպացիոն զորքերի մուտքը։ Նրանք չէին ուզում կամովին զիջել իրենց պապերի հողը, մենք այն ուժով վերցրեցինք։ Ղարաբաղյան իրադարձություններից անմիջապես հետո նա փոխեց ՌԴ Սահմանադրությունը եւ դրանում ներառեց բռնակցված Ուկրաինայի տարածքները։ «Նրանք չեն ուզում տալ ինքնակամ, զոռով կվերցնենք։ Իսկ Արեւմուտքը ոչինչ չի ասի։ Արեւմուտքը ոչինչ չասաց, երբ մենք կուլ տվեցինք Ղարաբաղը եւ արդեն խժռում ենք Հայաստանը»։

Նաիրա Հայրումյան