Հայկական կողմն ունի 4 զոհ և 1 վիրավոր. ՀՀ ՊՆ
- 12:39 13.02.2024
Փետրվարի 13-ին Ներքին Հանդի հատվածում տեղակայված հայկական դիրքերի ուղղությամբ Ադրբեջանի ԶՈՒ կրակի հետևանքով հայկական կողմն ունի 4 զոհ և 1 վիրավոր (վիճակը գնահատվում է միջին ծանրության, այս պահի դրությամբ կյանքին վտանգ չի սպառնում): Այս մասին տեղեկանում է ՀՀ ՊՆ-ից:
Պաշտպանության նախարարությունը զոհվածների անվանացուցակը կհրապարակի ավելի ուշ:
«Ազատության» հետ զրույցում Ազգային ժողովի պաշտպանության հանձնաժողովի նախագահ Անդրանիկ Քոչարյանը հայտնել է․ «Դիակների մի մասը հանված են, զորակոչիկներ չկան նրանց մեջ»։