Արցախցիների գրանցումը կամայակա՞ն է կատարվում․ օդում որոշումներ են ընդունում
- 09:48 14.02.2024
Արցախցիների բռնի տեղահանումից հետո պարզվեց, որ ՀՀի կողմից տրված կապույտ անձնագիրը դեռ չեն փաստում այն ՀՀ քաղաքացիության մասին և, ըստ մեկնաբանության, այդ անձնագրերը ոչ ավելին են, քան ճամփորդական անձնագրեր:
Պարզաբանումից հետո 070 կոդով անձնագրեր ունեցող քաղաքացիների առջև ընտրելու երկու տարբերակ է դրվել՝ փասխստականի կարգավիճակ կամ ՀՀ քաղաքացիություն՝ առանց Արցախի հիշատակման:
Ըստ պարզաբանման, փախստականի վկայականը անպայման է արտասահման մեկնելու համար և այն իբր պաշտպանում է քաղաքացուն Ադրբեջանին արտահանձնումից:
Քաղաքացիների մեծամասնությունը ընտրում են առաջին տարբերակը՝ փախստականի կարգավիճակ, քանի որ վախենում են, որ դառնալով ՀՀ քաղաքացի, կզրկվեն իրենց հասանելիք աջակցություննից:
Այս ընտրությունից զատ արցախցիները բախվել են մի այլ խնդրի՝ հյուծիչ հերթեր, որոշ դեպքերում նաև անիմաստ քաշքշուկ: Որոշումները կամայական են ընդունվում, ըստ երեւույթին՝ ընթացքը դժվարացնելու համար։
Պարզվում է, ամեն անձնագրային բաժին ունի իր կանոները և փաստաթղթերի ցանկը, որոշները գրանցման համար ծնողների անձնագրերը, ամուսնության վկայականն են պահանջում, որոշները՝ ոչ: Թեկուզ ՀՀ ՆԳՆ ցուցկում չկա ծննդական, ծնողների ամուսնության վկայական եւ այլ փաստաթղթեր ներկայացնելու պահանջ։ Իսկ մարդիկ, որոնցից շատերը չունեն այդ փաստաթղթերը, ստիպված արխիվներում են այն փնտրում, ծախսելով մեծ ջանքեր, ժամանակ եւ գումար։
Երևան քաղաքում գործում է նաև առցանց գրանցման հարթակ: Քաղաքացիներից մեկը մեր հետ զրույցում նշել է, որ նրանք մի քանի օր առաջ են գրանցվել առցանց, բայց հերթը դեռ մայիսին է, ինչի պատճառով ստիպված են գնալ ժամերով հերթ կանգնել:
Անհանգստություն է առաջացնում նաև հաշվառումը, հասկանալի է, որ արցախցիների գերակշիռ մասը ՀՀ-ում չունի անշարժ գույքը, ինչի պատճառով ստիպված են ապրել վարձով բնակարաններում, և ոչ բոլոր տան տերերն են համաձայնվում իրենց տանը հաշվառել արցախցիներին: Արդեն լինում են կոնֆլիկտներ։
Քրիստինա Ալավերդյան