Բելգորոդում հինգ մարդ է զոհվել հրթիռային հարվածի հետեւանքով, հայտնել է նահանգապետը
- 16:19 15.02.2024
Բելգորոդի մարզի նահանգապետ Վյաչեսլավ Գլադկովը հայտնել է, որ, ըստ նախնական տվյալների, Բելգորոդի հրետակոծության հետեւանքով զոհվել է հինգ մարդ, այդ թվում՝ մեկ երեխա, եւս 18 մարդ վիրավորվել է։ Նրա խոսքով՝ քաղաքում վնասվել է եւս յոթ առանձնատուն։
Նախկինում հաղորդվում էր, որ հարձակման պատճառով լրջորեն վնասվել է Պլեխանովի փողոցում գտնվող երկհարկանի առևտրի կենտրոնը։ Լրատվամիջոցների տեղեկություններով՝ առևտրի կենտրոնի այցելուների շրջանում զոհեր են եղել։
Դատելով դեպքի վայրից արված լուսանկարներից և տեսանյութերից՝ շենքում ապակի է կոտրվել, իսկ ճակատը խիստ վնասվել է։
ՌԴ ՊՆ-ն հայտնում է, որ ժամը 12:30-ի սահմաններում Կիևի ռեժիմի կողմից RM-70 Vampire բազմակի արձակման հրթիռային համակարգի միջոցով ահաբեկչություն իրականացնելու փորձը խափանվել է։ Գործակալության տվյալներով՝ Բելգորոդի շրջանի տարածքի վրա հակաօդային պաշտպանության միջոցով ոչնչացվել է տասնչորս հրթիռ։
Կիևը չի մեկնաբանել Բելգորոդի դեպքերը։ Այսօր Բելգորոդի վրա հարձակմանը նախորդել է ռուսական զանգվածային հրթիռային հարվածը Ուկրաինայի մի քանի շրջանների վրա։