Աշխատանքն ու բնակարանային ապահովումը արցախցիների հիմնական խնդիրներն են
- 21:31 17.02.2024
Փետրվարի 16-ին Երևանում տեղի է ունեցել Արցախի արհմիությունների հիմնադիր ժողովը։ Ֆեդերացիան կշարունակի աշխատել Հայաստանում՝ Հայաստանի արհմիությունների կոնֆեդերացիայի աջակցությամբ։
Արցախի արհմիությունների ֆեդերացիայի նախագահ Արա Ղաhրամանյանի խոսքով, չնայած այն բանին, որ դեռևս տեխնիկական աշխատանքներ պետք է կատարվեն, արցախցիները կարող են իրենց հարցերով, խնդիրներով և առաջարկություններով կապ հաստատել ասոցիացիայի հետ։ Այս ամենը կներկայացվի համապատասխան մարմիններին։
Ղահրամանյանի խոսքով՝ մինչև գրասենյակի բացումը համաքաղաքացիները կարող են կապ հաստատել Հայաստանի արհմիությունների կոնֆեդերացիայի միջոցով։
«Արցախցիների խնդիրները շատ են։ Բայց եթե Հայաստանի իշխանությունները չեն ցանկանում, որ արցախցիները լքեն երկիրը, պետք է կենտրոնանան երկու հիմնական խնդրի վրա՝ զբաղվածության և բնակարանային ապահովման»,- ասաց նա։
Ալվարդ Գրիգորյան