«ԳԵՆ» նախաձեռնությունների կենտրոնը պարզաբանում է պահանջում արցախցիների կուտակային կենսաթոշակների վերաբերյալ
- 08:59 20.02.2024
«ԳԵՆ Նախաձեռնությունների կենտրոն» հիմնադրամի ղեկավար Արմինե Ավագիմյանը հայտնել է, որ նամակ է պատրաստվել և ուղարկվել մի շարք մարմինների՝ պարզելու, թե ինչ է լինելու այն կուտակային կենսաթոշակների հետ, որը ամեն ամիս վճարվում է 2015 թվականի հունվարի 1-ից 1974 թվականից ծնված Արցախի քաղաքացիների կողմից։
Նամակի տեքստը հանրությանը հասանելի է սոցիալական ցանցում, կազմակերպության էջում։
Նամակում, մասնավորապես, ասվում է, որ «ԳԵՆ» նախաձեռնությունների կենտրոն հիմնադրամը, որն իր կանոնադրության շրջանակներում քննարկումներ և ուսումնասիրություններ է իրականացնում հանրությանը հուզող հարցերի շուրջ, բազմաթիվ բողոքներ և ահազանգեր է ստացել կուտակային կենսաթոշակային համակարգին մասնակցող արցախցիներից՝ կապված գումարների հետագա տնօրինման հետ, որոնք նրանք վճարել են համապատասխան հիմնադրամներին։
Համաձայն ՀՀ Սահմանադրության 42-րդ և 51-րդ հոդվածների և «Տեղեկատվության ազատության մասին» ՀՀ օրենքի 6-րդ հոդվածի, նամակն ուղղված է Հայաստանի Կենտրոնական բանկին, Հայաստանի Կենտրոնական Դեպոզիտարիային, Արցախի Հանրապետության Նախագահին՝ այս հարցի վերաբերյալ տեղեկատվություն և պարզաբանում տրամադրելու պահանջով։
Ավագիմյանի խոսքով, կհրապարակվեն նաեւ պատասխան նամակներ, որպեսզի հանրությունը տեղեկացված լինի։
Ալվարդ Գրիգորյան
