Վազգենը փորձում է վերադառնալ սիրելի գործին

Վազգեն Գրիգորյանը Ստեփանակերտից է, աշխատում էր որպես ավտոէլեկտրիկ:

Բենզինի պահեստի պայթյունի օրը, ինչպես շատ շատերը, վառելիք էր փնտրում ընտանիքին տեղափոխելու համար: Սկզբից ասել էին, որ Մռակածի բենզալցակայանից կարող է վառելիք վերցնել, բայց այտեղ բենզին չկար, որոշել էին գնալ Հայկազով բենզինի հետևից:

Վազգենի հետ նրա 2 ընկերներն էին, ամեն մեկը մի տեղ հերթ էր պահում: Առաջինը իրեն էր հաջողվել վառելիքը վերցնել։ Նա հետ էր եկել մեքենայի մոտ, բայց հետո վերադարձել ընկերներին փնտրելու:

Պայթյունի պահին բունկերի վրա էր, ընկերոջն, ում փնտրելու էր, մինչև հիմա չի գտել:

Վազգենը 2 ամիս այրվածքաբանության ազգային կենտրոնում էր, վիճակը ծայրահեղ ծանր էր և չնայած բժշկների ջանքերին՝ Վազգենի 7 մատները ստիպված անդամահատել են:

Դուրս գրվելուց հետո երկար ժամանակ դեռ տանն էր՝ վերականգնվում էր:

Այս պահին Վազգենը փորձում է վերադառնալ սիրելի գործին և չնայած, որ այժմ ֆիզիկական աշխատանք չի կարողանում կատարել, օգնականներ ունի, ովքեր նրա ֆիզիկական ուժն են:

Քրիստինա Ալավերդյան