Հայաստանն ու Ֆրանսիան քննարկում են «Միստրալ» փոքր հեռահարության հրթիռների թեման

Այսօր առավոտյան խոսեցինք «Միստրալ» կարճ հեռահարության հրթիռների մասին։ Այս մասին փետրվարի 23-ին Երեւանում ՀՀ պաշտպանության նախարար Սուրեն Պապիկյանի հետ համատեղ ճեպազրույցում ասել է Ֆրանսիայի պաշտպանության նախարար Սեբաստյան Լեկորնուն։

Նրա խոսքով՝ շատ հեշտ է կադրեր պատրաստել՝ դրանք օգտագործելու համար։

«Եվ մենք արդեն ունեցել ենք քննարկումներ, որոնք թույլ կտան մեզ առաջարկել պաշտպանության այս մակարդակը։ Երկրորդ մակարդակի պաշտպանության համար մենք կառաջարկենք միջին մակարդակի (միջին հեռահարության – խմբ.) միջոցներ: Բայց կա նաև արտադրության հարց։ Շուտով Հայաստանում կլինեն GM 200 ռադարների մատակարարումներ, կան նաև ավելի լուրջ տեխնոլոգիաներ, օրինակ Thalès-ի ռադարները։

Ամեն անգամ մենք խոսում ենք պաշտպանական զենքի մասին։ ՀՕՊ չօգտագործելու միակ միջոցը այն է, որ ոչ ոք չհարձակվի որևէ մեկի վրա։ Սա շատ կարևոր ոլորտ է մեր համագործակցության համար։ Մեր առաջնահերթությունն է օգնել Հայաստանին պաշտպանել խաղաղ բնակիչներին, եթե նրանք հարձակման զոհ դառնան:

Այնքանով, որքանով մենք զարգացնում ենք մեր պաշտպանական բազան, դա արտացոլում է Հայաստանի հետ համագործակցության հնարավորությունը։ Դա թույլ կտա շատ արագ նոր զինատեսակներ առաջարկել»,- ընդգծել է Լեկորնուն։