Ալեն Սիմոնյան․ եթե Զելենսկին գա, դա կլինի տարածաշրջանային այց

Ազգային ժողովում լրագրողների հետ ճեպազրույցում ԱԺ նախագահ Ալեն Սիմոնյանն անդրադարձավ Ուկրաինայի նախագահ Զելենսկու՝ Հայաստան այց կատարելու մասին լուրերին։

«Նման տեղեկություն այս պահի դրությամբ գոյություն չունի։ Բայց եթե նման այց լինի, ես կարծում եմ, որ դա կլինի տարածաշրջանային այց, այլ ոչ թե Հայաստան»,- ասաց նա։

Անդրադառնալով այս այցի շուրջ խոսակցություններին, Սիմոնյանն ասաց․ «Հիբրիդային պատերազմ Հայաստանի Հանրապետության դեմ տարվում է շատ վաղուց եւ շատ ինտենսիվ ու բացահայտ ձեւով։ Տարբեր ռուսական քարոզիչներ, ցավոք սրտի, հաճախ հայկական աղավաղված ազգանուններով, Հայաստանում միտինգներ ու երթեր են անոնսում ու դրա մասին խոսում։ Ուստի, հիբրիդային պատերազմի մասին խոսելն արդեն մովետոն է, որովհետեւ դա արդեն հաստատված փաստ է»,- ասաց նա։

Ալեն Սիմոնյանը, որի հետ նորերս տհաճ պատմություն է տեղի ունեցել, փաստորեն, կրկին ձիու վրա է։ Հայտնվեց եւ լավ լուր հայտնեց․ ես նորից ուժի մեջ եմ, իսկ Վահան Քերոբյանը՝ տնային կալանքի տակ։ Չեմ ասի, ով է նրա դեմ ցուցմունք տվել եւ ազատ արձակվել։