Արցախի Հանրային խորհուրդը դիմել է Տիգրան Խաչատրյանին

Արցախի նախագահին առընթեր Հանրային խորհուրդը կոչ է անում Հայաստանի կառավարությանը սոցիալական ծրագրերը քննարկելիս և ընդունելիս լսել արցախցիների ցանկությունները, դիտողություններն ու առաջարկությունները և հաշվի առնել դրանք։

Հանրային խորհուրդը, մասնավորապես, դիմել է փոխվարչապետ Տիգրան Խաչատրյանին՝ նշելով, որ բնակարանաշինության ծրագիրը բարելավում է պահանջում։ «Ձեր ներկայացրած ծրագրերը կպահանջեն առնվազն ևս վեց ամիս աշխատանք՝ խելամիտ բանի հասնելու համար։ Որովհետեւ դուք չեք հետաքրքրվել Արցախի ժողովրդի կարծիքով, դուք չեք հարցնում արցախցիների կարծիքը»: