Արցախցիների սոցիալական ծրագրերը կփոխվեն․ 40+10 միայն անչափահասների համար, իսկ 63 տարեկանից բարձր թոշակառուները կենսաթոշակային հավելավճար կստանան
- 18:19 01.03.2024
Մեր աղբյուրները հայտնում են, որ փոփոխություններ են նախատեսվում արցախցիների համար նախատեսված սոցիալական ծրագրերում։
Մասնավորապես, մարտին ավարտվող 40+10 հազար դրամի ծրագիրը կշարունակի գործել միայն անչափահասների համար։
Բացի այդ, 63 տարին լրացած անձանց և 1-ին խմբի հաշմանդամների կենսաթոշակներին կտրամադրվի ամսական 20 հազար դրամի չափով հավելավճար։
Այս փոփոխությունները վերաբերելու են Արցախից բռնագաղթված բոլոր անձանց, այդ թվում՝ 2020թ. տեղահանվածներին։
Հաղորդվում է նաև, որ սոցապնախարարությունում աշխատանքի է տեղավորվել 1244 արցախցի՝ նախարարություն դիմած 2140-ից։