Փաշինյանի խառնակչությունը․ արցախցիների զավակները պետք է ծառայեն բանակում, որ բնակարանային հարցով օգնենք
- 14:48 12.03.2024
Այսօրվա ասուլիսի ժամանակ Նիկոլ Փաշինյանը, խոսելով արցախցիներին բնակարանով ապահովելու ծրագրի մասին, ասաց, որ, նախ այդ ծրագրից պետք է օգտվեն նաեւ ՀՀ քաղաքացիները։ Եւ երկրորդ՝ արցախցիներն էլ պետք է ՀՀ քաղաքացիություն ստանան, որ իրենց զավակներն էլ ծառայեն բանակում, որպեսզի «հասարակության մեջ լարվածություն չառաջանա»։
Այսինքն, այն, որ արցախցիները ամեն ինչից զրկվել են, տեղահանվել են, ոչ տուն ունեն, ոչ գործ, լարվածություն չի առաջացնում հասարակության մեջ, իսկ այն, որ տղաները չեն ծառայում բանակում՝ առաջացնում է։
Փաշինյանը չի դադարում խառնակչությունը, արցախցիների դեմ սեփական քայլերը վերագրելով հասարակությանը։ Արդյո՞ք Փաշինյանը հարցում է արել կամ արդյո՞ք «հայաստանցիները» բողոքի ակցիաներ են արել, պահանջելով, որ արցախցիների հանդեպ հատուկ վերաբերմունք չլինի։ Ո՞ւմ հետ է շփվում Փաշինյանը։
Մյուս կողմից, Փաշինյանի կառավարության ապաշնորհ որոշումներով արցախցիները զրկվել են ՀՀ քաղաքացիությունից, առ այսօր հերթ են կանգնում, որ փախստականի կարգավիճակ ստանան, իսկ նրանք, ով դիմել է քաղաքացիության համար, պատասխան չեն ստանում։
Հիմա Փաշինյանը կրկին արցախցիներին ուղարկում է ՀՀ քաղաքացիություն ստանալու համար։ Թեկուզ բավական էր մեկ որոշումով մարդկանց 070 անձնագրերը ճանաչել որպես լլիրավ, իսկ նրանց, ովքեր չեր ցանկանում ստանալ քաղաքացիություն, հնաավորություն տալ փախստականի կարգավիճակ ձերք բերել։ Բայց պետք էր ստիպել արցախցիներին մի դժոխքի շրջան անցնել, որ ՀՀ քաղաքացի լինելուց կրկին հասնել ՀՀ քաղաքացիության։
Անձնագրերի ճանաչո՞ւմն էլ էր հասարակության մեջ լարվածություն առաջացնելու։
Ֆոտո՝ Ստեփանակերտի հանրահավաքից