Արցախի հեղինակային երգի ակումբը պատրաստվում է բարեգործական համերգի Հայաստանում
- 10:50 15.03.2024
“Արցախի հեղինակային երգի ակումբի” հիմնադիր և ղեկավար Ջուլիետ Առուստամյանը step1.am-ի հետ զրույցում պատմեց.
“2020 թվականին՝ 44-օրյա պատերազմի և Շուշիի օկուպացիայից հետո մենք չկարողացանք հանել մեր կիթառները։ Հայ լավագույն բարդերից մեկը՝ Արեգ Նազարյանը օգնեց ձեռք բերել նոր կիթառներ, եւ Արցախի հեղինակային երգի ակումբը վերսկսեց իր գործունեությունը Ստեփանակերտում։
2023 թվականին մենք կրկին չկարողացանք փրկել մեր գործիքները։ Եվ այս անգամ եւս մեզ օգնեց Արեգ Նազարյանը՝ մեզ մոտիվացիա հաղորդելով, նոր գործիքներ ձեռք բերելու համար համերգի գաղափար տալով։ Նա օգնեց մեզ պատրաստվել, ծանոթացրեց Գագիկ Ղազարյանի հետ, ով մեզ տրամադրեց փորձերի համար տեղ ԲԱՑ հարթակում։ Մեկ ամսից ավելի է, ինչ փորձեր ենք անում։ Հուսով ենք՝ այս գարնանը կհասցնենք համերգը պատրաստել»։
Ալվարդ Գրիգորյան
