ՆԱՏՕ-ն հիացած է Փաշինյանով․ Ստոլտենբերգը զրոյացնում է Արեւմուտքի “վարկանիշը” Հայաստանում
- 20:02 19.03.2024
Հայաստանը հետաքրքրված է ՆԱՏՕ-ի հետ համագործակցության խորացմամբ: Այս մասին հայտնել է ՀՀ վարչապետ Նիկոլ Փաշինյանը՝ ՆԱՏՕ-ի գլխավոր քարտուղար Յենս Ստոլտենբերգի հետ Կառավարությունում տեղի ունեցած ընդլայնված կազմով հանդիպման շրջանակներում:
ՆԱՏՕ-ի գլխավոր քարտուղարը Երեւանում հանդես է եկել հայտարարությամբ, որը կարող է խիստ հակակրանք առաջացնի Հայաստանում Ալյանսի նկատմամբ։ “Ես անձամբ հիացած եմ Ձեր առաջնորդությամբ և հանձնառությամբ”,- ասել է Ստոլտենբերգը Փաշինյանին, որը բառացիորեն երեկ գնացել էր Տավուշի մարզ եւ հայտարարել, որ եթե 4 գյուղ չտանք, մինչեւ շաբաթվա վերջ պատերազմ կլինի, եւ Հայաստանը կպարտվի այդ պատերազմում։ Ընդ որում նա չի ներկայացրել այդ 4 գյուղի պատկանելիության որեւէ իրավական հիմք, միայն վախեցրել է, որ Բաքուն ու Անկարան գործի կդնեն “ուժի իրավունքը”, իսկ Հայաստանը կհրաժարվի դիմադրելուց։
Դրանո՞վ է հիացած Ստոլտենբերգը եւ հասկանո՞ւմ է նա, թե ինչ մեսիջ է դրանով ուղարկում հայ հասրակությանը ՆԱՏՕ-ի դիրքորոշման մասին։