Ալենը կատաղել է ու մարդ է փնտրում
- 16:32 27.03.2024
Հայաստանում եւ Տավուշի մարզում որեւէ գյուղ չկա, որի վերաբերյալ քննարկվում է որեւէ մեկին հանձնելու հարցը: Այս մասին այսօր՝ մարտի 27-ին, ԱԺ-ում լրագրողների հետ զրույցում նշեց ԱԺ նախագահ Ալեն Սիմոնյանը՝ անդրադառնալով Տավուշի 4 գյուղերի տարածքները Ադրբեջանին հանձնելու խնդրին:
«Մենք հիմա փնտրտուքի մեջ ենք այն մարդկանց, որոնք դա համարում են Հայաստանի տարածք: Ես ման եմ գալիս այն մարդկանց, որոնք կգան ու կապացուցեն, որ դրանք Հայաստանի տարածքում են: Հայաստանը կարող է իր տարածքը մետր առ մետր ցույց տալ բոլոր քարտեզներով, Խորհրդային Միության ստեղծումից սկսած՝ վերջացրած Հայաստանի անկախանալով”:
Ալեն Սիմոնյանը փաստորեն կատաղել է այն բանից հետո, երբ պարզվեց, որ հայկական հողերի հանձնումը քաղաքացիները դավաճանություն եւ հանցագործություն են համարում, եւ դիմադրության պատրաստ խմբեր կան։ Կատաղել է նաեւ, որ արդեն քննարկվում է “չկրակելու” եւ “հետ քաշվելու” հրամանների օրինականությունը։
Ալեն Սիմոնյանը լավ կլինի մարդ փնտրի, որը կասի, թե ո՞րն է ադրբեջանի տարածքը։ Եթե չկա սահմանազատում, չկան համաձայնեցված քարտեզներ, ապա ինչի՞ հիման վրա են որոշվում սահմանները։ Արդյո՞ք սահմանն այնտեղ է, որտեղ կանգնած են ռուսները, եւ հենց նրանք փոխեն իրենց դիրքը, սահմանը կփոխվի։