Ռուսաստանում միգրանտների և էթնիկ փոքրամասնությունների նկատմամբ թշնամանքն աճում է

Ռուսաստանի Դաշնության տարածքում կտրուկ աճել է հակամիգրանտների հռետորաբանությունը։ Այս խնդրի առանցքային պատճառներից մեկն այն է, որ ՌԴ նախագահ Վլադիմիր Պուտինը հաճախ է օգտագործել էթնիկ լարվածությունը իր քաղաքական նպատակների համար, գրում են The New York Times-ի հեղինակները։

Հրատարակության հեղինակները նաև նշում են, որ Պուտինը Ռուսաստանի Դաշնությունում էթնիկ հակամարտությունները վերածում է իր ընտրական և քաղաքական դիվիդենտների։

Մերձմոսկովյան Կրոկուս-հոլլում վերջերս տեղի ունեցած ահաբեկչությունը ևս մեկ խթան դարձավ Ռուսաստանի Դաշնությունում ազգամիջյան ատելություն բորբոքելու համար։ Հոդվածի հեղինակների կարծիքով՝ միլիոնավոր աշխատանքային միգրանտներ Ռուսաստանում մշտապես բախվում են բացահայտ թշնամանքի հետ նրանց նկատմամբ, սակայն այժմ այդ խնդիրը բազմիցս սրվել է. մեծ թվով ժամանածների վրա հարձակումներն ավելի հաճախակի են դարձել։

Հրատարակությունը մեջբերում է նաև ռուս իրավապաշտպան Սվետլանա Աննուշկինային, ով նշել է, որ ուկրաինական պատերազմի ժամանակ նույնպես փորձում են մոբիլիզացնել աշխատանքային միգրանտներին։ «Միգրանտներն անհրաժեշտ են որպես ռուսական բանակի թնդանոթի միս և որպես աշխատուժ»,- ասաց նա:

Նրա խոսքով, հենց որ հայտարարվեց Կրոկուսի հավանական ահաբեկիչների ազգությունը, պարզ դարձավ, որ ռուսական ուժայինները կսկսեն բռնել տաջիկներին։ «Տաջիկստանից միգրանտները շատ վախեցած են և գրեթե դուրս չեն գալիս փողոց: Հիմա նրանք վախենում են ոչ միայն արտաքսումից, այլև որ իրենց կստիպեն պատերազմել Ուկրաինայի դեմ»,- հավելեց իրավապաշտպանը։