AZTV-ն հետաձգել է Արցախի ղեկավարների հետ հարցազրույցների հեռարձակումը
- 17:00 29.03.2024
Ադրբեջանական AZTV-ն հայտարարություն է տարածել Բաքվում գերեվարված արցախցի գործիչների հարցազրույցները չհեռարձակելու վերաբերյալ: Այդ մասին հայտնում է Ազգը։
Հեռուստաալիքի մամուլի քարտուղար Ռուֆաթ Սեիդովը ադրբեջանական լրատվամիջոցներից մեկի հարցմանն ի պատասխան ասել է, որ թեև խնդրո առարկա հարցազրույցը ի սկզբանե հայտարարվել էր մարտի 28-ին եթեր հեռարձակվելու մասին, սակայն այս տեղեկատվությունը հետագայում ջնջվել է AzTV-ի սոցցանցերի էջերից։ «Հարցազրույց ունենալը միայն մեզնից կախված խնդիր չէ։
Մեզ մոտ հարց էր ծագում՝ «Հիմա որքանո՞վ է ճիշտ հարցազրույց տալը»։
Հետևաբար, մենք հեռացրել ենք այդ հայտարարությունը մեր սոցիալական մեդիայի բոլոր հաշիվներից՝ հեռուստադիտողների շփոթությունից խուսափելու համար: Հարցազրույցը կհեռարձակվի, երբ ժամանակը հայտնի լինի, հարցազրույցի օրը կտեղեկացնենք»։