ՀՀ ԳԱԱ նախագահության նիստերի դահլիճում մեկնարկեց «Հայաստանը՝ որպես քաղաքակրթական խաչմերուկ. պատմամշակութային առնչություններ» թեմայով եռօրյա միջազգային գիտաժողովը։
Հայաստանի թշնամիները դարերով փորձում են ջնջել պատմական եւ այլ աղբյուրներից Հայաստանի՝ որպես քաղաքակրթության մասին հիշատակումները, թեկուզ բազմաթիվ ազգերի “քաղաքակրթական” արմատները տանում են Հայկական լեռնաշխարհ։
Հայկական R1b հապլոգոխումբը հիմնական բնութագրիչ նշանն է ողջ Արևմտյան Եվրոպայի համար:
Բրիտանացիների ամենահին տարեգրության մեջ հենց առաջին էջում ուղղակիորեն գրված է, որ նրանք եկել են Հայաստանից։ Նույն բանն է ասվում Արմինիուսի մասին բավարական տարեգրության մեջ։ Իսկ բասկերի՝ Պիրենեյներ տեղափոխված ժողովրդի առաջնորդի անունն էր Հայտոր, որը հայերեն բառացի նշանակում է հայի թոռ։
Հայաստանը քաղաքակրթություն է, որը կյանք է տվել բազմաթիվ մշակութների։ Բայց հայերը չեն ցանկանում իրենց վրա “հայրապետական” պատասխանատվություն վերցնել՝ գերադասելով ճչանաչել սեփական “հայրությունը”։ Թեկուզ “զավակներն” հենց Հայաստանից են ճանաչում պահանջում՝ սահմանների, պետական իրավունքի, նույնիսկ կայսրություն լինելու։ Հայաստանն էլ շռայլում է թե՛ պապական հողերը, թե՛ իրավունքները։
Հատկապես վերջին տարիներին հայերը փորձում են իրենց գժի տեղ դնել եւ զավակների համառ պահանջներին ի պատասխան ձեւացնում են, որ իրենք ոչ մի իրավունք չունեն, Հայաստանն էլ՝ խաչմերուկ է այլ քաղաքակրթությունների համար։ Я не я и лошадь не моя.
Գիտաժողովի բացման արարողության ժամանակ ընթերցվեց ՀՀ նախագահ Վահագն Խաչատուրյանի ուղերձը։ «Հայկական լեռնաշխարհը և Հարավային Կովկասը պատմականորեն եղել են համաշխարհային քաղաքակրթությունների հարաբերման և մշակութային համակցման յուրօրինակ խաչմերուկ և միջավայր ու հիմա էլ շարունակում են այդպիսին մնալ”: Յա, իրո՞ք։
ՀՀ վարչապետի օգնական Հակոբ Աբրահամյանն իր խոսքում եւս սահմանափակեց թեման խաչմերուկով։
“Մեր աշխարհագրական դիրքը՝ չնայած բոլոր սահմանափակումներին, մեր պատմական ու քաղաքակրթական հետքն ու ժառանգությունը թույլ են տալիս գրագետ և համակարգային մոտեցման պարագայում շահեկանորեն դիրքավորել Հայաստանը՝ որպես քաղաքակրթական, առևտրատնտեսական, լոգիստիկ և էներգետիկ հանգույց Արևելքի, Արևմուտքի, Հյուսիսի և Հարավի միջև»,-ասաց Աբրահամյանը։
ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի տնօրեն Գոռ Ծառուկյանն ավելի պարզ խոսաց։ Նա նշեց, որ «մշակութային խաչմերուկի և համաշխարհային քաղաքակրթությանն ինտեգրվելու գաղափարը միայն պատմական անցյալին չի վերաբերում”։ “Մեր երկիրը պատրաստ է ավելի մեծ ջանքեր գործադրել՝ համաշխարհային քաղաքակրթություններին միանալու, սեփական արժեքները փոխանցելու և նոր գաղափարներ յուրացնելու հարցում։ ՀՀ կառավարությունն արդեն տևական ժամանակ է, ինչ առաջ է քաշել «Խաղաղության խաչմերուկ» նախաձեռնությունը, որի հիմնական նպատակն է բացել մեր տարածաշրջանի հաղորդակցության բոլոր ուղիները, նպաստավոր պայմաններ ստեղծել բոլոր երկրների տարանցիկ առևտրի ու ենթակառուցվածքների անխափան գործունեության համար»,-ասաց Ծառուկյանը:
Սկզբից ասեիք, էլի։