Կոստանդնուպոլսի գիշերային ակումբում բռնկված հրդեհի զոհ է դարձել 29 մարդ
- 08:18 03.04.2024
Պոլսի Բեշիքթաշ թաղամասի բնակելի շենքերից մեկում բռնկված հրդեհի հետևանքով առնվազն 29 մարդ է զոհվել, հայտնում են տեղական իշխանությունները։
Ավելի վաղ Ստամբուլի նահանգապետ Դավութ Գյուլը հայտնել էր, որ 25 մարդ զոհվել է, եւս երեքը ծանր վնասվածքներով հիվանդանոցում են։
«Հրդեհի հետևանքով զոհվածների թիվը հասել է 29-ի։ Հրդեհի հետևանքով մեկ տուժածի համար բուժումը շարունակվում է, իսկ շենքում աշխատանքները շարունակվում են”։
Գյուլի խոսքով՝ հրդեհը բռնկվել է տեղական ժամանակով ժամը 12:47-ին Ղաիրեթեփե թաղամասում (Բեշիքթաշի մաս) գտնվող 16 հարկանի բնակելի շենքի նկուղում։
Նկուղային հարկի երկու հարկում տեղակայված էր «Դիմակահանդես» գիշերային ակումբը, որտեղ վերանորոգման աշխատանքներ էին ընթանում։
Նախնական տվյալներով՝ բոլոր մահացածները շինարարական աշխատողներ են եղել, ովքեր աշխատում էին ակումբում։
Իշխանությունները հետաքննում են հրդեհի պատճառները, հրդեհի առնչությամբ ութ մարդ է ձերբակալվել, այդ թվում՝ հաստատության ղեկավարությունը, հայտնում են թուրքական լրատվամիջոցները։
Ստամբուլի քաղաքապետարանը հայտնել է, որ պաշտոնյաները գիշերային ակումբների սեփականատերերից կամ կապալառուից որևէ հարցում չեն ստացել տարածքի վերանորոգման վերաբերյալ, գրում է AFP-ն։
«Ոչ մի թույլտվություն չի տրվել, ոչ մի տեղեկություն չի տրամադրվել», – ասացին գերատեսչությունից՝ խոստանալով հետևել հետաքննության ընթացքին և հանրությանը տեղյակ պահել: