Թայվան. վերջին 25 տարվա ամենասարսափելի երկրաշարժը
- 08:24 03.04.2024
Թայվանի արեւելյան ափերի մոտ 7,4 մագնիտուդ ուժգնությամբ երկրաշարժ է տեղի ունեցել։ Կղզու և հարևան երկրների համար ցունամիի նախազգուշացում է հայտարարվել։
Երկրաշարժի էպիկենտրոնը, ըստ ԱՄՆ երկրաբանական ծառայության տվյալների, գտնվել է Թայվանի Հուալիեն քաղաքից 18 կմ հարավ։ Ըստ սեյսմոլոգների՝ սա Թայվանում վերջին 25 տարվա ընթացքում ամենահզոր երկրաշարժն է։
Հուալիենում բազմաթիվ շենքեր են փլուզվել, և այնտեղ աշխատում են փրկարարները։ Շենքերը սաստիկ ցնցվել են նաև մայրաքաղաք Թայբեում։
Մինչ այժմ մեկ մարդ է մահացել Հուալիենի մերձակայքում գտնվող ազգային պարկում, հաղորդում է Թայվանի Ազգային հրդեհային գործակալությունը։ Այնտեղ եւս երեք մարդ վիրավորվել է, շատերը մնացել են քարանձավներում։
Թայվանական լրատվամիջոցները ցույց են տալիս, թե ինչպես են փլվում շենքերը և մարդկանց տարհանում են դպրոցներից և տներից:
Ամբողջ կղզում գրանցվում են հոսանքազրկումներ և ինտերնետի անջատումներ, հայտնում է Netblocks մոնիտորինգային ծառայությունը։
Երկրաշարժից անմիջապես հետո Ճապոնիայում և Ֆիլիպիններում ցունամիի նախազգուշացում է հայտարարվել։ Ավելի ուշ Ճապոնիայի օդերևութաբանական գործակալությունը իջեցրեց նախազգուշացման մակարդակը, բայց այնուամենայնիվ նշեց, որ նմանատիպ ուժգնությամբ հետցնցումները կարող են շարունակվել մինչև մեկ շաբաթ, և հասարակությունը պետք է զգոն մնա:
1999 թվականի սեպտեմբերին Թայվանում տեղի ունեցավ 7,6 մագնիտուդ ուժգնությամբ երկրաշարժ։ Այն ավերել է ավելի քան 5 հազար շենք և 2400 մարդու մահվան պատճառ է դարձել։
Ընթացիկ երկրաշարժը տեղի է ունեցել տեղական ժամանակով 07:58-ին (23:58 GMT), աղբյուրը գտնվել է 15,5 կմ խորության վրա: