Թուրքիան Մոսկվային և Կիևին առաջարկել է դադարեցնել պատերազմը ներկայիս գծում մինչև 2040 թվականը
- 14:47 12.04.2024
New Europe հրատարակությունը, հղում անելով սեփական աղբյուրներին, հայտնում է, որ Թուրքիան Կիևին և Մոսկվային նոր «խաղաղության պայմանագիր» է առաջարկել, որը նախատեսում է ռազմական գործողությունների ամբողջական դադարեցում, հակամարտությունների սառեցում և մի քանի նոր քաղաքական կետեր։
Նախաձեռնողը Թուրքիայի նախագահ Էրդողանն է, որի հովանավորությամբ նախկինում կայացել են երկու երկրների միջև Ստամբուլի բանակցությունները, որոնք անարդյունք են ավարտվել 2022 թվականի մայիսին։
Փաստաթղթի տեքստը, ըստ լրագրողների, արդեն գտնվում է Անկարայի, Կիևի և Մոսկվայի տրամադրության տակ։ Էրդողանը առաջարկում է ներկայիս մարտական գծում ռազմական գործողությունները սառեցնելու գաղափարը՝ 2040 թվականին բոլոր օկուպացված տարածքներում հանրաքվե անցկացնելու հնարավորությամբ։ Փաստաթուղթը ներառում է նաև գերիների փոխանակումը և Ուկրաինայի արտաբլոկային կարգավիճակը, որը ուժի մեջ կլինի մինչև 2040 թվականը։
Իրազեկ աղբյուրները նշում են, որ որոշ եվրոպացի առաջնորդներ պատրաստ են աջակցել խաղաղության ծրագրին։ Փորձագետները, սակայն, համաձայնագրի կնքման հավանականությունը ցածր են գնահատում։
Dialogue.UA