Ղազախստանը 2 պատվավոր հյուպատոսություն կբացի Արարատում և Արագածոտնում` Թուրքիայի հետ սահմանին
- 12:40 13.04.2024
Մենք վճռական ենք ավելի խորացնելու և ընդլայնելու մեր կապերը։ Մեր մտադրությունների գործնական հաստատումն է այս տարի Հայաստանի Արարատի և Արագածոտնի մարզերում Ղազախստանի պատվավոր հյուպատոսների լրացուցիչ գրասենյակներ բացելու որոշումը։ Այս մասին «Արմենպրես»-ին տված հարցազրույցում ասել է Ղազախստանի նախագահ Կասիմ-Ժոմարտ Տոկաեւը:
Ապրիլի 15-ին նա պաշտոնական այցով կժամանի Հայաստան։
Նա նշել է, որ «Եվրասիայի տրանսպորտային համակարգում Հարավային Կովկասի նշանակությունը զգալիորեն աճել է։ Ուստի, հայկական կողմի նախաձեռնած «Աշխարհի խաչմերուկ» նախագիծը, որպես նոր տրանսպորտային գաղափար, արժանի է ուշադրության և համակողմանի ուսումնասիրության՝ փոխկապակցվածության տարածաշրջանային լոգիստիկ կառուցվածքում ներառելու տեսանկյունից»։
Մինչ Ֆրանսիան, Իրանը և Ռուսաստանը Կապանում գլխավոր հյուպատոսություններ են բացում, Ղազախստանն իր հայացքն ուղղում է Թուրքիայի հետ սահմանին:
«Խաչմերուկը», որին պատրաստվում է վերածել Հայաստանի կառավարությունը, ծառայելու է թյուրքական Կենտրոնական Ասիան և Կասպից ծովի տարածաշրջանը Թուրքիայի հետ կապելուն՝ Հայաստանը վերածելով «իջեւանատան» և «գորշ գոտու»։
«Իջեւատան» բացումը մոտ է. իզուր չէ, որ Ղազախստանը միանգամից երկու պատվավոր հյուպատոսության գրասենյակ է բացում։