Ծառուկյանը նշել է Օլիվեյրայի դեմ մենամարտի իր հոնորարը

UFC-ի մարտիկ Արման Ծառուկյանի մրցանակը Չարլզ Օլիվեյրայի դեմ անցած շաբաթավերջին կայացած մենամարտի համար գերազանցել է 300 հազար դոլարը, RBC Sport-ին տված հարցազրույցում ասել է Ծառուկյանը։

Give me Sport պորտալը և այլ լրատվամիջոցներ գրել են, որ մենամարտի համար մարտիկը վաստակել է 164 հազար դոլար, սակայն Ծառուկյանն ասել է, որ դա ճիշտ չէ։ «Գրեթե երկու անգամ ավելի շատ», – ասաց մարտիկը:

Նրա խոսքով՝ համացանցում եկամուտների մասին շատ կեղծ տեղեկություններ կան։ «Ոչ ոք ճշմարտությունը չի գրում. Ոչ ոք չգիտի, թե ով ինչքան է վաստակում։ Նախավերջին մենամարտում ես ավելի շատ վաստակեցի, քան հիմա։ Պայմանագրում կան նաև տարբեր կետեր՝ մենամարտը ժամանակից շուտ ավարտել, ոչ ժամկետից շուտ»,- հավելեց Ծառուկյանը։

Երեքշաբթի օրը հայազգի ռուսաստանցի Արման Ծառուկյանը բարձրացավ առաջին տեղ UFC-ի թեթև քաշային կարգի լավագույն մարտիկների վարկանիշում։ Դա տեղի է ունեցել UFC 300-ում բրազիլացի Չարլզ Օլիվեյրային հաղթելուց հետո: Թեթև քաշային կարգում UFC-ի չեմպիոնը ռուսաստանցի Իսլամ Մախաչովն է:

RBC Sport-ին տված հարցազրույցում Ծառուկյանն ասել է, որ իր հաջորդ մենամարտը լինելու է Մախաչով-Դասթին Պուարե զույգի հաղթողի դեմ։