Ուկրաինան ATACMS հրթիռներով հարձակվել է Ջանկոյի օդանավակայանին
- 11:40 18.04.2024
Համացանցում հայտնվել է առաջին լուսանկարը, որտեղ պատկերված են օկուպացված Ղրիմի Ջանկոյում ռուսական բազայի վրա ուկրաինական զինված ուժերի հրթիռային հարվածի հետեւանքները։
Տեղեկությունների համաձայն՝ ռուսական S-400 հակաօդային պաշտպանության մի քանի համակարգեր և կայանքի ամենաարժեքավոր մասը՝ դրա ռադարը կարող էին ամբողջությամբ ոչնչացվել։
Ռուսական «Լրտեսական դոսյե» Telegram ալիքը, հղում անելով սեփական աղբյուրներին, հայտնում է, որ Ուկրաինայի զինված ուժերը հարվածել են 4-րդ ռազմաօդային և հակաօդային պաշտպանության բանակի 39-րդ ուղղաթիռային գնդի (զորամաս 46453, Ջանկոյ) ռազմական օդանավակայանին։ Լուսանկարում պատկերված է ոչնչացված S-400 Triumph հակաօդային պաշտպանության համակարգը։ Հարվածը հասցվել է երկու MGM-140 ATACMS մարտավարական բալիստիկ հրթիռներով։ Առաջին հարվածը հասցվել է S-400 Triumph հակաօդային պաշտպանության համակարգի դիրքերին։
Ոչնչացվել է 3 արձակման կայան և ռադար։ Երկրորդը՝ 77-րդ զենիթահրթիռային բրիգադի (33742 զորամաս, Կրասնոդարի երկրամաս) զինտեխնիկայի ընդունման և վերանորոգման կետում։ Հարվածի պահին կետում սպասարկվում էին երկու С-300 արձակման կայաններ (անհայտ մոդիֆիկացիայով)։ Ինչպես նաև, կետում տեղի ունեցած հարվածի հետևանքով տեղի է ունեցել զինամթերքի երկրորդական պայթյուն։ Թե կոնկրետ ինչ է պայթել, դեռ հայտնի չէ։
Խոցված ուղղաթիռների մասին դեռ տեղեկություններ չկան։ Նախնական տեղեկություններով՝ ժամը 06:00-ի դրությամբ՝ հարվածի հետևանքով վիրավորվել է առնվազն 15 ռուս զինվոր, իսկ 22-ը համարվում է անհետ կորած։