Իրանի եւ ԱՄՆ օպերացիայից հետո Ալիեւը կհանդիպի Պուտինին եւ Շոլցին

Ռուսաստանի և Ադրբեջանի նախագահներ Վլադիմիր Պուտինը և Իլհամ Ալիևը ապրիլի 22-ին կհանդիպեն Մոսկվայում։

«Նախատեսվում է քննարկել ռուս-ադրբեջանական ռազմավարական գործընկերության և դաշնակցային հարաբերությունների հետագա զարգացմանը վերաբերող առանցքային հարցերը, ինչպես նաև մտքերի հանգամանալից փոխանակում կատարել տարածաշրջանային արդի խնդիրների շուրջ»,- հայտնել է Ռուսաստանի նախագահի աշխատակազմի մամուլի ծառայությունը։

Գերմանիայի կանցլեր Օլաֆ Շոլցը և Ալիևը կհանդիպեն ապրիլի 26-ին Բեռլինում։ Այս մասին լրագրողներին հայտնել է Գերմանիայի նախարարների կաբինետի պաշտոնական ներկայացուցիչ Շտեֆեն Հեբեստրեյթը։ «Երկկողմ հարաբերություններին զուգահեռ կքննարկվեն արտաքին քաղաքականության, անվտանգության քաղաքականության, ինչպես նաև տնտեսական և էներգետիկ թեմաներ»,- նշել է նա։

Ապրիլի 14-ի Իրանի եւ ԱՄՆ “համատեղ օպերացիայից՛ հետո գեներացվում էր Իսրայելի, այդ թվում՝ Բաքվի կողմից օկուպացված Արցախի տարածքներից հուժկու պատասխանի թեման։ Սպասվում էր մեծ պատերազմ, Իրանի տրոհում, որի արդյունքում Բաքուն ու Մոսկվան պետք է լուծեին Հայաստանի տարածքով “միջանցքի”, Երեւանի եւ Բաքվի՝ եվրասիական օրրան վերադառնալու հարցերը եւ Արեւմուտք-Ռուսաստան՝ Հարավային Կովկասի հարցով նոր պակտ ստորագրեն՝ Մոսկվայի պայմաններով։

Սակայն ամեն ինչ այլ ձեւ ստացվեց․ արդյունքում Ռուսաստանը անսպասելիորեն դուրս բերեց իր զորքերը Արցախից եւ արդեն բաց տեքստով խոսում է Հարավային Կովկասը “կորցնելու” մասին, ՄԱԿ-ը քիչ էր մնում Պաղեստինը իր անդամ ճանաչեր, Փաշինյանը սկսեց խոսել ոչ թե միակողմանի զիջումների, այլ հողերի փոխանակման մասին։ Տարածաշրջան են եկեն ԵԱՀԿ Մինսկի խմբի ֆրանսիացի եւ ամերիկյան համանախագահները, դրանով իսկ հաստատելով, որ դեռ իրավա-քաղաքական լուծումներ են լինելու։ 

Այդ ֆոնին Ալիեւը հանդիպումներ է խնդրել Պուտինից եւ Շոլցից։ Առեւտուրը հասել է մի կետի, երբ սեղանին են դրվում իսկզբանե չվաճառվող “լոտեր”։