Ոսկեպարի բնակիչները թուլ չեն տվել ականազերծման աշխատանքներ իրականացնել
- 12:43 21.04.2024
Ոսկեպար գյուղի Սուրբ Աստվածածին եկեղեցու հարակից տարածքներում ՀՀ զինված ուժերն այսօր փորձել են ականազերծման աշխատանքներ իրականացնել, սակայն գյուղի բնակիչները խոչընդոտել են։ Այս մասին Ոսկեպարից ուղիղ եթերով հայտնեց «Ժողովրդավարական համախմբում» կուսակցության նախագահ Սուրեն Պետրոսյանը։
«Այստեղից պարզ երեւում է, որ իշխանությունը կրկին ու կրկին խաբել է, եւ սա մեծագույն կեղծիք է, թե կան պայմանավորվածություններ, սահմանն այստեղով չի անցնելու, որովհետև հստակ երեւում է, որ միակողմանի հանձնման գործընթացը շարունակվում է։ Հակառակ դեպքում որեւիցե պատճառ չէր լինի, որ Ոսկեպար գյուղի եկեղեցու շրջակա հատվածը փորձեին ականազերծել»,- ասաց Սուրեն Պետրոսյանը։
Նշենք, որ Կիրանց գյուղի բնակչներն այսօր դարձյալ փակել են գյուղի ճանապարհը, բողոքի ակցիա է նախատեսվում նաեւ Ոսկեպար գյուղում։