Խուրշուդյանը կոչ կանի պատժել նենգ ոսկեպարցիներին
- 18:25 21.04.2024
Մարդիկ Ոսկեպարի մոտ թույլ չեն տվել ականազերծել եկեղեցու մոտ տարածքը՝ թշնամուն փոխանցելու համար։ Նման «նենգ» քայլը դատապարտում են Հայաստանը միայն լեգիտիմ սահմաններով սիրողները։ Փաշինյանի՝ Հայաստանը լուծարելու ծրագրի գլխավոր խոսնակ դարձած Հովսեփ Խուրշուդյանը կպահանջի պատժել իրենց լավը չիմացող ոսկեպարցիներին։
4 հայկական գյուղ թշնամում հնաձնելուց հետո /ինչը արձանագրել են Բաքուն եւ Անկարան/ ՔՊ պատգամավորները փորձում են արդարացնել այդքայլը։ Նրանց միանում են նաեւ “արեւմտամետները”, եւ դժվար է պատկերացնել, թե նրանք ինչպե՞ս են բացատրում այդ քայլը իրենց երեխաներին, ծնողներին, իսկ ոմանք՝ զուգընկերներին։ Հավանաբար, ասում են, որ հանուն երեխաների ապագայի են գնում ստոր քայլերի։
Հովսեփ Խուրշուդյանն, օրինակ, որպես ձեռքբերում է ներկայացնում այն, որ Բաքուն համաձայնվել է սկսել դեմարկացիան/դելիմիտացիան 1976թ․քարտեզների հենքով։ Յա, իրո՞ք, կասեր դասականը։ Իսկ ի՞նչ լավ բան կա այդ քարտեզների մեջ։
Բայց Խուրշուդյանը կանխագուշակել է դասականի հարցը եւ նախապատրաստվել։ Պարզվում է, մեզ թույլ են տվել չտալ Հայաստան-Վրաստան ճանապարհը, փոխարենը մենք «չենք հավակնում» այն կողմի ինչ-որ ճանապարհի։ Կարելի է թվաբանությունից թույլ լինել, բայց որ զրոյից երկու անգամ հանես եւ դրական պատասխան ստանաս, անհավանական է։
Ուռաաա, վայ՝ կեցցե, Հայաստան-Վրաստան ճանապարհը մնալու է մեր վերահսկողության տակ։ Էս ի՛նչ լավ է, թե չէ մինչ հիմա ուրիշն էր վերահսկում։ «Այսինքն թանկարժեք շրջանցիկ ճանապարհի /թունելի կառուցման անհրաժեշտություն գոնե այս պահի դրությամբ չի առաջանում», ասում է Խուրշուդյանը։ Կարել ի է ասել, որ եթե Սեւանն էլ չտանք, կարիք չի լինի ջուր ներկրել Վոլգայից եւ թանկարժեք ջրանցք կառուցել։
Խուրշուդյանը պատմության համար արձանագրում է, որ «այս հատվածում այսպիսի դելիմիտացիայի հետեւանքով Հայաստանը վերադարձնում է հարյուրավոր հեկտարների տարածք, իսկ Արդբեջանը Հայաստանին՝ կարծես ոչինչ»։ Հետո կասի, որ իրականում սա ոչ թե Փաշինյանին արդարացնելու, այլ զգուշացնելու փորձ էր։ Չհավատաք։
Դու մի ասա, «այս որոշմամբ էապես կանխվում է Ադրբեջանի կողմից ագրեսիայի ռիսկը՝ իր բնակավայրերի «ազատագրման» պատրվակով»։ Այսինքն, դու ճանաչում ես քո հողը ադրբեջանական տարածք է, դրանով իսկ հրավիրելով նրանք «ազատագրել», հետո ինքնակամ տալիս ես, որ ուժով չվերցնեն։ Փայլուն է։
Խուրշուդյանն եւ այլոք պետք է իմանան, որ նման հայտարարությունները դավաճանության հոդվածով քրեական գործի ապացույց են լինելու, եւ տողատակերոի «նամյոկները» չեն ընդունվի։