Ռուսական զորքերը կարող են ներխուժել Հայաստան երբ ցանկանան
- 21:47 22.04.2024
Արցախից կայծակնային դուրս բերվող ռուսական զորքերը, որոնք այնտեղ հայտնվեցին 2020 թվականի նոյեմբերին առանց միջազգային խաղաղապահ մանդատի, իրենց առաքելությունն ավարտեցին ժամանակից շուտ և պրոֆեսիոնալ կերպով՝ ապահովելով Արցախի անկաշկանդ օկուպացիան և բնիկ հայ բնակչության տեղահանությունը։ Դրա համար նրանց «Ղարաբաղի ազատագրման համար» մեդալներ են շնորհվելու ոչ միայն Ալիևի ու Պուտինի, այլև Փաշինյանի կողմից։
Այն օրը, երբ Ալիևն ու Պուտինը, դեռ առանց Փաշինյանի, ավարտված առաքելության զգացումով հրճվում էին Մոսկվայում եւ քննարկում Տավուշի չորս գյուղերի հանձնումը առանց մեկ կրակոցի, ռուսական զորքերը անարգել ներխուժեցին Հայաստան։ Թեկուզ ո՞վ պիտի նրանց կկանգնեցներ։
Անվտանգության խորհրդի քարտուղար Արմեն Գրիգորյանը շտապեց հայտարարել, որ «Լեռնային Ղարաբաղում տեղակայման և խաղաղապահ գործունեության իրականացման համար ՀՀ կառավարությունը Գորիսում և Սիսիանում ժամանակավոր տեղակայման վայրեր է հատկացրել ռուսական խաղաղապահ ստորաբաժանումներին… և խաղաղապահների շարասյունը ԼՂ-ն եկել է Գորիսում և Սիսիանում ժամանակավոր տեղակայման կետեր՝ դրանք փակելու աշխատանքները կազմակերպելու համար»։
Արմեն Գրիգորյանի պոստֆակտում բացատրությունը խղճուկ պատրվակ է թվում այն բանի համար, որ Հայաստանի իշխանությունները չեն վերահսկում ռուսական զորքերի շարժը Հայաստանի տարածքով։ Ռուսական զորքերը կարող են հատել հայկական սահմանը Կոռնիձորում երբ ցանկանան և գնալ ուր ցանկանան։ Օրինակ՝ հայ-վրացական սահմանին։ Ինչպե՞ս է սա ձեզ դուր գալիս, Արմեն Գրիգորյան։