Ընդհանուր առմամբ 350 արցախցի անվճար ապրում է հանրակացարաններում և պանսիոնատներում
- 14:35 23.04.2024
Արցախցի փախստականները, որոնց տրամադրվել է ժամանակավոր անվճար կացարան, չեն կարողանա օգտվել ՀՀ կառավարության կողմից հատկացված 40+10 հազար դրամի ֆինանսական աջակցության ծրագրից։
Հայաստանի տարածքային կառավարման և ենթակառուցվածքների նախարարության տվյալներով՝ այսօր Արցախից մոտ 350 ներքին տեղահանվածներ անվճար ապրում են հանրակացարաններում, պանսիոնատներում կամ շենքերում։ Արագածոտնի մարզում 19 նման փախստական կա, Արարատում՝ 97, Արմավիրում՝ 27, Լոռիում՝ 29, Կոտայքում՝ 13, Շիրակում՝ 107, Սյունիքում՝ 38, Տավուշում՝ 19։