Ինչպես կանխատեսվել է, Ղարաբաղում ծառայած ռուս զինծառայողներին ուղարկում են Ուկրաինա
- 09:55 27.04.2024
Ռուս խաղաղապահներին ուղարկում են Ուկրաինա՝ կռվելու: Դրա մասին գրում է «Ոչ պատերազմին» նախագիծը՝ վկայակոչելով զինվորական անձնակազմի երկու աղբյուրի, «որոնք չեն ցանկանում կռվել»։
«Նախատեսվում է Գյումրիի 102 -րդ ռազմաբազայի՝ Ղարաբաղում խաղաղապահ առաքելություն իրականացրած զինվորականներին Մոսկվայով և Դոնի Ռոստովով ուղարկել ռազմաճակատ (Ավդեևկայի ուղղություն)։ Նրանց, ովքեր փորձում են հրաժարվել պատերազմին մասնակցելուց, բանտ է սպառնում»,- հայտնել է նախագիծը։
Հիշեցնենք, որ ավելի վաղ տեղեկություն է եղել, որ Արցախում առգրաված միլիոնավոր միավոր զենք եւ զինամթերք Ռուսաստանը ադրբեջանի տարածքով եւս տեղափոխել է ուկրաինական ճակատ։ Դրա համար էլ Ուկրաինան ողջունում է Ալիեւին եւ շնորհավորում “ռուս-թուրքական բարդ օպերացիայի” հաջող ավարտի կապակցությամբ։