Լեռնային Ղարաբաղում ռուսական զորքերի ներկայության անփառունակ ավարտը

«Արցախի ռազմավարական հետազոտությունների անկախ կենտրոնը», մեկնաբանելով Ակնայում ռուս-թուրքական մոնիթորինգի կենտրոնի փակումը, նշել է. «Թուրքիա-Ադրբեջանի և Ռուսաստանի գեներալները շնորհավորել են միմյանց Լեռնային Ղարաբաղի (Արցախի) հայերի էթնիկ մաքրման համատեղ հիանալի հատուկ գործողության համար։

Ռուս-թուրքական այս մոնիթորինգային կենտրոնն աշխատել է բացառապես ի շահ Ադրբեջանի և Լեռնային Ղարաբաղի հայերի դեմ՝ տեղեկատվություն փոխանցելով Արցախի զինված ուժերի և արցախյան հասարակության տրամադրությունների մասին։

Ռուսական զորքերի անփառունակ ներկայությունը Լեռնային Ղարաբաղում ավարտվել է։ Թուրքերը ստիպեցին ռուս զինվորականներին աշխատել իրենց համար։ Իսկ ԼՂՀ-ից տեղահանված քաղաքացիները կցրվեն աշխարհով մեկ՝ հիշելով դավաճանությունը և սերնդեսերունդ փոխանցելով, որ նրանք, ում մենք ընկերներ էինք համարում, թուրքերի բարեկամներ են դարձել»։