«Հեղափոխություն» Վրաստանում. Իվանիշվիլին հանեց դիմակը, «խաղն ավարտված է»

Ապրիլի 29-ին իր կողմնակիցների հանրահավաքում Իվանիշվիլիի ելույթը շատ քաղաքական դիտորդների կողմից գնահատվել է որպես ծրագրային պլան, թե ինչ է նախատեսում անել կառավարությունը հոկտեմբերին, եթե հաղթի խորհրդարանական ընտրություններում, գրում են վրացական լրատվամիջոցները։

Իվանիշվիլին անմիջապես նշել է, թե ում է համարում իր իշխանության թշնամիները՝ Արևմուտքին, ընդդիմությանը և ոչ կառավարական հատվածին։ Ելույթի մեծ մասը նվիրված էր Արևմուտքի դեմոնիզացմանը։ Իվանիշվիլին Վրաստանի արևմտյան գործընկերներին անվանել է «օտարերկրյա գործակալներ» և «գլոբալ պատերազմի պարտիա»։ Իվանիշվիլիի ելույթում Ռուսաստանը հիշատակվել է միայն մեկ անգամ՝ այն համատեքստում, որ 2008 թվականին «գլոբալ պատերազմի պարտիան» Վրաստանին, իսկ հետո Ուկրաինային կանգնեցրեց Ռուսաստանի դեմ։ Իվանիշվիլին հենց այսպես է պատկերացնում Ուկրաինայում շարունակվող պատերազմը։

Նա նաև ասաց, որ տարիների ընթացքում կառավարությունը բավականաչափ ռեսուրսներ է կուտակել՝ սկսելու «ինքնիշխանության ամբողջական ամրապնդումը»։ Իվանիշվիլին հայտարարեց, որ ընտրություններից հետո պատրաստ է ռեպրեսիաների քաղաքական հակառակորդների, մասնավորապես Ազգային շարժման դեմ։ Իվանիշվիլին փաստացի հայտարարեց, որ կառավարությունը չի պատրաստվում հաշվի առնել երկրում դատական ​​համակարգի բարեփոխման վերաբերյալ եվրոպական առաջարկությունները։

Իր ելույթում Իվանիշվիլին հայտարարեց, որ Վրաստանը ժամանակին ունեցել է օտար կառավարություն՝ ի դեմս Սահակաշվիլիի «Ազգային շարժման»։ Նրա խոսքով, «Վարդերի հեղափոխությունը» կազմակերպել են արտաքին ուժերը՝ ՀԿ-ների օգնությամբ եւ հիմա էլ նույն բանն են ուզում կրկնել.

«Այսօր այդ օտարերկրացիներին ուզում է Վրաստան վերադարձնել նույն անմարդկային և սադիստ մարդկանց դիկտատուրան, ինչը մենք ոչ մի գնով թույլ չենք տա»,- ասել է Իվանիշվիլին։

«Իվանիշվիլին հանեց դիմակը. Սա այլևս չի կոչվի «Վրացական երազանք», դա Կրեմլի երազանքն է՝ Վրաստանը դարձնել Բելառուս, և միայն վրաց հասարակությունը կարող է կանգնեցնել դրան։ Եվրամիությունը և ԱՄՆ-ն պետք է անհապաղ պատժամիջոցներ սահմանեն նրա և նրա շրջապատի դեմ»,- գրել է Ուկրաինայի Գերագույն Ռադայի պատգամավոր Ալեքսեյ Գոնչարենկոն։

Վրաստանի խորհրդարանն այսօր երկրորդ ընթերցմամբ քննարկում է արտաքին ազդեցության մասին օրենքը, իսկ Ռուսթավելիի պողոտայում երկու հանրահավաք է։ Օրենքը ընդունվի թե չընդունվի, Վրաստանը հեղափոխության առաջ է կանգնելու։ Այն արդեն տեղի է ունեցել այն բանից հետո, երբ Իվանիշլին հանեց դիմակը։ 2012 թվականից «Վրացական երազանքը», չթաքցնելով իր կապերը Ռուսաստանի հետ, ձեւացնում  է, որ երկիրը տանում է դեպի ԵՄ։ Հիմա խաղն ավարտված է՝ կա՛մ Վրաստանը դառնում է Բելառուս, կա՛մ Սահակաշվիլին ազատվում է։