«Հայաստան» եւ «Պատիվ ունեմ» խմբակցություններն հարցեր ունեն
- 13:44 02.05.2024
Ազգային ժողովի «Հայաստան» եւ «Պատիվ ունեմ» խմբակցություններն Ազգային ժողով են հրավիրում այն բոլոր երկրների դասպաններին ու միջազգային կազմակերպությունների ներկայացուցիչներին, որոնք ՀՀ-ում ֆինանսավորում են բարեփոխումների իրականացման ծրագրերը։
«Հրավիրում ենք փակ հանդիպման, որպեսզի նաեւ անկաշկանդ զրույց լինի եւ ուզում ենք իրենցից ստանալ շատ անկեղծ հարցի պատասխան՝ արդյոք իրենց կողմից ֆինանսավորվող բարեփոխումների ծրագրի այս վերջնարդյունքը ոստիկանապետության հաստատո՞ւմն է՝ իր բոլոր դրսեւորումներով»,- խորհրդարանում լրագրողներին ասաց «Հայաստան» խմբակցության պատգամավոր Արծվիկ Մինասյանը։
Նա նշեց, որ կարեւոր է հիմա այս հանդիպումներն ունենալ, որովհետեւ պատգամավորները միջազգային հանդիպումների ժամանակ տպավորություն են ստացել, որ այս մարդիկ ուղղակի չեն տիրապետում Հայաստանում ստեղծված վիճակին կամ առնվազն կեղծ լուրերի տակ են: