Ռուս զինվորականները զբաղեցրել են Նիգերի ամերիկյան բազան
- 15:54 03.05.2024
«Ռուսական զորքերը մտել են Նիգերի մայրաքաղաք Նիամեյում գտնվող ամերիկյան ավիաբազա»,- հինգշաբթի Reuters-ին հայտնել է ԱՄՆ պաշտպանության նախարարության բարձրաստիճան պաշտոնյան։ Նրա խոսքով, խոսքը գնում է Ամանի Դիորի միջազգային օդանավակայանի հարեւանությամբ տեղակայված ԱՄՆ ռազմաօդային ուժերի բազայի մասին։ Ամերիկացի զինվորականները դեռևս մնում են նրա տարածքում։
Նախկինում ԱՄՆ-ը համաձայնել էր Նիգերից դուրս բերել իր ողջ ռազմական կոնտինգենտը, որը կազմում է ավելի քան 1000 մարդ: Ամերիկացի զինվորականները կարող են լքել Արևմտյան Աֆրիկայի երկիրը «առաջիկա ամիսներին», ըստ The New York Times-ի: