Քանի՞ արցախցի է լքել Հայաստանը․ Փաշինյանը թիվ չասաց
- 17:08 07.05.2024
Մամուլում հրապարակում կա, որ 16 հազար արցախցի արդեն լքել է Հայաստանի Հանրապետությունը։ Այսօրվա ասուլիսում Նիկոլ Փաշինյանի հարցրին՝ ճի՞շտ է այս թիվը, եւ ի՞նչ վիճակագրություն ունի կառավարությունը։
«Ո՛չ, այդքան մարդ չի հեռացել Հայաստանի Հանրապետությունից, դա իրականությանը չի համապատասխանում։ Բայց մյուս կողմից եկեք նաեւ արձանագրենք հետեւյալը, որ ինչպես ՀՀ քաղաքացիների շրջանում, մարդիկ գնում են, գալիս են, այսինքն՝ շարժունակությունը 21-րդ դարի մարդու ամենամեծ հատկություններից մեկն է։ Մենք ամեն ինչ անում ենք, որպեսզի հնարավորիս արագ եւ արդյունավետ իրականացնենք այդ ծրագիրը, որպեսզի մարդիկ տնավորվեն ՀՀ-ում»,- ասաց Փաշինյանը։
Նա այդպես էլ թիվ չներկայացրեց, թե քանի՞ արցախցի է անցած ամիսներին հեռացել Հայաստանից։