Ռուսաստանի հարձակումը Խարկովի շրջանի վրա. չորս գյուղ է գրավված
- 18:19 10.05.2024
Մայիսի 10-ին Խարկովի շրջանի վրա հարձակման ժամանակ ռուսական զորքերը չորսից հինգ հետեւակային գումարտակներով կարողացել են հատել պետական սահմանը եւ գրավել չորս սահմանամերձ բնակավայր։ Խոսքը Ստրելեչե, Կրասնոե, Պիլնայա և Բորիսովկա գյուղերի մասին է։
Այս տեղեկությունը Telegram-ի իր ալիքում հայտնել է լրագրող Յուրի Բուտուսովը։ Վոլչանսկի շրջանում զավթիչների աննշան առաջխաղացում է գրանցվել։ Մնացած ուղղություններով հակառակորդի նախահարձակումը կասեցվել է, ռուսական բանակը կրել է զգալի կորուստներ։
Մայիսի 10-ի գիշերը զավթիչները ձեռնարկել են ակտիվ հարձակման՝ փորձելով ճեղքել Ուկրաինայի պաշտպանությունը Խարկովի մարզի հյուսիսում գտնվող Վոլչանսկ քաղաքի մոտ։ Ուկրաինայի պաշտպանության նախարարության տվյալներով՝ ռուսական բանակը մեծացրել է կրակային ճնշումը և փորձում է զրահատեխնիկայի և օդային կառավարվող ռումբերի միջոցով ուկրաինական զինված ուժերին դուրս բերել դիրքերից։
Ժամը 13։00-ի դրությամբ հակառակորդի բոլոր գրոհները հետ են մղվել։ Ուկրաինայի Զինված ուժերի մարտիկները պահում են գիծը, սակայն տարբեր ինտենսիվության բախումները շարունակվում են։ Ռազմաճակատի այս հատված ռեզերվներ են ուղարկվել։